Meer oor ons
Konstitusie (Histories)
Vereniging Naam
Uitleg
In hierdie konstitusie, tensy dit uit die samehang anders blyk, het die onderstaande begrippe die betekenisse daarteenoor aangedui:
ATKV
ATKV beteken die Afrikaanse Taal- en Kultuurvereniging (Vereniging Ingelyf kragtens Artikel 21), Registrasienommer 62/00006/08;
Erf
Gesamentlike ruimtes
Konstitusie
Lid
Munisipaliteit
Munisipaliteit beteken die Munisipaliteit Groter Mosselbaai;
Persoon
Vakansiedorpgebied
Vakansiedorpgebied beteken alle eiendom wat ingesluit is in Sones 1 tot 7 wat ontstaan uit die onderverdeling van erwe 3, 1427, 194, 2872, 475, 11429, 202 en gedeelte van Erf 1 en bestaan hierdie Sones nou uit die volgende erwe geleë te Hartenbos in die munisipale gebied van Groter Mosselbaai;
Vakansiedorpgebied
Vakansiedorpgebied beteken alle eiendom wat ingesluit is in Sones 1 tot 7 wat ontstaan uit die onderverdeling van erwe 3, 1427, 194, 2872, 475, 11429, 202 en gedeelte van Erf 1 en bestaan hierdie Sones nou uit die volgende erwe geleë te Hartenbos in die munisipale gebied van Groter Mosselbaai;
| Sone 1 | Erf 3193 |
| Sone 2 | Erf 202 |
| Sone 3 | Erf 3485 |
| Sone 4 | Erf 3485 |
| Sone 5 | Erf 3501 |
| Sone 6 | Erf 3515 |
| Sone 7 | Erf 3537 |
Vereniging beteken die Hartenbos Vakansiedorp- Huiseienaarsvereniging wat kragtens hierdie Konstitusie tot stand kom.
In hierdie Konstitusie sluit die manlike die vroulike en onsydige in, en omgekeerd.
Doelwitte
Die doelwitte van die Vereniging is om:
- Standaarde daar te stel ter bevordering van die bevalligheid van die Vakansiedorpgebied en om toe te sien dat die genoemde standaarde nagekom word.
- Aanvaarbare argitektoniese ontwerpkriteria vir nuwe bouwerk en veranderings aan bestaande bouwerk voor te skryf, en om toe te sien dat dit toegepas word.
- In oorleg met die Munisipaliteit en die ATKV toe te sien tot die instandhouding van die Vakansiedorpgebied met inbegrip van landskapsversorging, instandhouding van tuine (ook binne erwe), instandhouding van heinings en toegangshekke, instandhouding van en beheer oor gesamentlike ruimtes.
- Gedragsreëls neer te lê vir die inwoners van en besoekers aan die Vakansiedorpgebied.
- Gebruiksreëls neer te lê vir die oprigting van grens- en binneheinings en skerm- en spermure en die benutting van gesamentlike ruimtes.
Die Vereniging het die bevoegdheid om enige handeling insidenteel tot, of ter bevordering van genoemde doelwitte te verrig, met inbegrip van die oplê van heffings op lede ter bestryding van koste.
Lede
Stigterslede
- ATKV
- S.W. Cilliers
- T.F. Janssonius
- J.J. Lingenfelder
- J.G. Myburgh
- S.N. van Vuuren
- P.A. van Zyl
Nieteenstaande die verdere bepalings van hierdie Konstitusie en die feit dat die ATKV nie die eienaar is van ‘n erf nie bly die ATKV ad infinitum lid van die Vereniging.
Elke persoon wat eienaar is van ‘n erf is outomaties lid van die Vereniging en is gebonde aan die bepalings van die Konstitusie.
Geen verdere persoon word lid van die Vereniging nie behalwe kragtens
Elke lid is geregtig op 1 (een) stem met dien verstande dat ‘n lid wat meer as een erf op sy naam geregistreer het, geregtig is op ‘n addisionele stem per addisionele erf.
Elke regspersoon wat ‘n lid is, stel ‘n verteenwoordiger aan om namens hom op te tree, en so ‘n verteenwoordiger vervul alle funksies en oefen alle bevoegdhede van die betrokke lid uit.
Die stigterslede hou op om in daardie hoedanigheid lede te wees by die eerste algemene ledevergadering wat volg op die stigtingsvergadering.
‘n Persoon wat nie stigtigerslid is nie hou op om lid te wees wanneer hy nie meer die geregistreerde eienaar van ‘n erf is nie.”
Die vereniging bestaan uit 403 lede. Indien enige twee of meer erwe gekonsolideer word om een nuwe erf met ʼn unieke nommer te vorm sal die heffing op daardie erf bereken word op elke oorspronklike erf soos voor die konsolidasie.”
Bestuur
Die sake van die Vereniging word bestuur en beheer deur ‘n bestuurskomitee bestaande uit minstens drie komiteelede en hoogstens nege komiteelede, verkies tydens ‘n algemene ledevergadering deur ‘n gewone meerderheid van lede persoonlik aanwesig of deur ‘n gevolmagtigde verteenwoordig, vir ‘n tydperk van een jaar. (Dat drie lede van die eerste verkose komitee vir ‘n termyn van twee opeenvolgende jare sal dien terwyl die res van die komitee slegs een jaar sal dien).
Slegs iemand wat skriftelik as komiteelid genomineer en gesekondeer is en wat sy nominasie skriftelik aanvaar het, word as komiteelid verkies.
‘n Komiteelid moet ‘n lid van die Vereniging of die benoemde van ‘n lid wees.
Geen lid en geen benoemde van ‘n lid wie se heffings agterstallig is, mag as komiteelid verkies word nie.
Die bestuurskomitee kies uit sy eie geledere ‘n voorsitter, ‘n ondervoorsitter en ‘n sekretaris.
Bestuurskomiteelede se dienstermyn verstryk by elke algemene ledevergadering. Alle bestuurskomiteelede is herkiesbaar.
Indien daar gedurende enige diensjaar ‘n vakature op die bestuurskomitee sou ontstaan, kan die oorblywende komiteelede ‘n nuwe komiteelid aanstel, wat sal diens doen tot die volgende algemene ledevergadering.
Komiteelede ontvang geen besoldiging nie. Hul reiskoste en direkte uitgawes kan egter aan hulle vergoed word.
Werkswyse van bestuurskomitee
Die bestuurskomitee vergader so dikwels as wat nodig mag wees, maar minstens een keer elke ses maande.
Die bestuurskomitee hou ‘n bywoningsregister en notules van al sy besluite.
Helfte van die bestuurskomiteelede persoonlik teenwoordig, vorm ‘n kworum by ‘n bestuurskomiteevergadering.
Finansiële beheer
Die finansiële jaar van die Vereniging strek vanaf 1 Oktober tot 30 September van elke jaar.
Die algemene ledevergadering benoem jaarliks ‘n ouditeursfirma om as ouditeurs vir die Vereniging op te tree.
Die bestuurskomitee sien toe dat daar jaarliks ‘n stel geouditeerde rekeningkundige state vir die Vereniging voorberei word.
Ledevergaderings
Daar word jaarliks ‘n algemene ledevergadering gehou, nie later as drie maande na afloop van elke finansiële jaar nie.
Die eerste algemene ledevergadering word deur die ATKV byeengeroep voordat enige onroerende eiendom in die Vakansiedorpgebied oorgedra word.
Spesiale ledevergaderings word deur die bestuurskomitee op eie inisiatief of op skriftelike versoek deur minstens 10 lede belê.
Die bestuurskomitee moet kennisgewings van algemene en spesiale ledevergaderings minstens 21 (een-en-twintig) dae voor die datum van die vergaderings aan alle lede na hul jongsbekende adresse pos.
Die voorsitter van die bestuurskomitee of, in sy afwesigheid, die ondervoorsitter sit voor by alle ledevergaderings.
Ses lede persoonlik teenwoordig of deur ‘n gevolmagtigde vorm ‘n kworum by ‘n ledevergadering.
Stemming by ledevergaderings geskied op ‘n wyse wat die voorsitter mag bepaal. Besluite word geneem deur ‘n gewone meerderheid van alle lede wat persoonlik of deur ‘n gevolmagtigde teenwoordig is.
Slegs persone wat skriftelik daartoe gemagtig is, mag ‘n afwesige lid verteenwoordig. Volmagte moet nie later nie as die begin van enige ledevergadering by die voorsitter ingehandig word.
Die algemene ledevergadering besluit, met inagneming van hierbo, uit hoeveel komiteelede die bestuurskomitee bestaan.
Bevoegdhede
Die bestuur en administrasie van die Vereniging setel by die bestuurskomitee, wat bevoeg is om in alle sake namens die Vereniging op te tree.
Die bevoegdhede van die bestuurskomitee sluit in (maar is nie beperk nie tot) die volgende:
- die instandhouding van die Vakansiedorpgebied;
- enige aksie of handeling wat nodig mag wees om die doelwitte van die Vereniging te bereik;
- die aangaan van kontrakte namens die Vereniging;
- die indiensneming en betaling van agente, werknemers of lashebbers van die Vereniging;
- die opstel en wysiging van gedragsreël en instandhoudingsreëls vir die Vakansiedorpgebied;
- die verkryging en hou van eiendom binne die Vakansiedorpgebied;
- die vervreemding van eiendom binne die Vakansiedorpgebied;
- die huur en verhuur van eiendom;
- die instel of verdediging van regsgedinge in naam van die Vereniging;
- die aanstel en betaal van adviseurs vir die Vereniging;
- opdrag aan die ATKV om enige of al die bevoegdhede van die Vereniging uit te oefen;
- die vasstel en invordering van maandelikse heffings betaalbaar deur lede om die uitgawes van die Vereniging te dek;
- die opening en bedryf van bankrekening(e);
- die opneem en toestaan van lenings;
- borg staan vir die verpligtinge van 'n ander.
- om namens die lede op te tree in enige aksie of handeling waarby die Vereniging betrokke mag wees.
Regspersoonlikheid
Die Vereniging is ‘n regspersoon wat:
- beklee is met die vermoëns en bevoegdhede van 'n ten volle handelingsbevoegde natuurlike persoon, en in die besonder, sonder om afbreuk te doen aan die algemene strekking van die voorgaande;
- beklee is met die bevoegdheid om regsgedinge in te stel en te verdedig;
- beklee is met die bevoegdheid om eiendom in eie naam te hou; en
- bly voortbestaan, ondanks veranderinge in sy lidmaatskap, totdat hy kragtens hierdie Konstitusie ontbind word.
Verpligtinge van lede
Alle lede is:
- gebonde aan die ontwikkelingsriglyne wat 'n bylae tot hierdie Konstitusie vorm;
- verplig om maandelikse heffings, soos van tyd tot tyd deur die bestuurskomitee vasgestel, te betaal en rente teen die heersende prima bankkoers plus 2% op enige ander agterstallige bedrae te betaal;
- verplig om die sekretaris op hoogte te hou van enige verandering van hul woon-, geregistreerde- of besigheidsadresse; en
- verplig om alle gedragsreël wat die bestuurskomitee van tyd tot tyd opstel, te eerbiedig.
Geen lid mag enige nuwe strukture oprig, of strukturele veranderings aan bestaande strukture op ‘n erf aanbring nie, behalwe:
- met die voorafverkreë skriftelike toestemming van die bestuurskomitee; en 11.2.2 ooreenkomstig die ontwikkelingsriglyne van die Vereniging.
- ooreenkomstig die ontwikkelingsriglyne van die Vereniging.
- enige ongemagtigde struktuur moet binne 60 dae na kennisgewing deur die bestuur, verwyder word. Die geval waar so ‘n struktuur nie verwyder word nie, mag die bestuur die struktuur laat verwyder vir die rekening van die betrokke lid.
Ontbinding
- deur 'n besluit van driekwart van die beskikbare stemme van lede persoonlik teenwoordig of deur 'n gevolmagtigde op 'n algemene ledevergadering van die Vereniging; of
- deur 'n bevel van 'n bevoegde hof.
Ingeval van ‘n ontbinding is dit die plig van die bestuurskomitee of van iemand deur die bestuurskomitee daartoe gemagtig, om die Vereniging se bates ten gelde te maak, alle laste te delg en om die restant te verdeel tussen al die lede ooreenkomstig elkeen se stemreg.
Elke lid is verplig om R1,00 (een Rand) vir elke stem waaroor hy beskik, by te dra tot enige tekort wat daar mag wees.
Wysiging van Konstitusie
Hierdie Konstitusie mag alleenlik gewysig word op ‘n algemene lede- vergadering deur 50% + 1 van die lede teenwoordig en met die voorafverkreë skriftelike toestemming van die Munisipaliteit.
Jurisdiksie en Domicilium
Elke lid:
- stem toe tot die jurisdiksie van die Landdroshof met betrekking tot enige geskil wat uit die toepassing van hierdie Konstitusie mag voortvloei, ongeag die bedrag of waarde van die voorwerp van die betrokke eis; en
- kies sy erf in Hartenbos as sy domicilium citandi et executandi vir die doeleindes van enige geding wat uit hierdie konstitusie mag voortvloei; en
- alle betalings van die verpligte jaarlikse heffing gemaak sal word by die vereniging se kantoor te Hartenbos, distrik Mosselbaai
Ontwikkelingsriglyne vir Vakansiedorpgebied
NADEMAAL die Vakansiedorpgebied bestaande uit sones 1 tot en met 7 gestig is en nademaal die Hartenbos Vakansiedorp – Huiseienaarsvereniging tot stand gekom het, is die ontwikkelingsriglyne soos hierin uiteengesit van toepassing op die sewe sones.
- stem toe tot die jurisdiksie van die Landdroshof met betrekking tot enige geskil wat uit die toepassing van hierdie Konstitusie mag voortvloei, ongeag die bedrag of waarde van die voorwerp van die betrokke eis; en
- kies sy erf in Hartenbos as sy domicilium citandi et executandi vir die doeleindes van enige geding wat uit hierdie konstitusie mag voortvloei; en
- alle betalings van die verpligte jaarlikse heffing gemaak sal word by die vereniging se kantoor te Hartenbos, distrik Mosselbaai
Definisies
Alle begrippe gedefinieer in die Konstitusie waartoe hierdie ontwikkelingsriglyne ‘n bylae is, het dieselfde betekenis in hierdie ontwikkelingsriglyne.
Veranderings
Nuwe woonhuise en veranderings aan bestaande woonhuise moet voldoen aan die volgende:
- alle voorskrifte wat die Munisipaliteit van tyd tot tyd mag oplê;
- argitektoniese ontwerpkriteria wat die Vereniging van tyd tot tyd in oorleg met die Munisipaliteit mag oplê.
Boulyne
Boulyne word as volg toegepas:
- waar ʼn erf aan ʼn openbare straat grens, in welke geval die boulyn 2.0 meter sal wees
- waar ʼn erf aan ʼn privaat straat grens, in welke geval die boulyn 1.5 meter sal wees.
- sy en agter boulyne 1.5 meter
Oorskrydings van sy – en agterboulyne sal oorweeg word onder die volgende omstandighede:
- Die oprigting van ʼn motorhuis of afdak wat slegs ʼn enkelvlakstruktuur mag wees met ʼn maksimum hoogte van 4.5 meter op voorwaarde dat geen vensters, deure of openinge in die grensmuur voorsien word nie.
- Die oprigting van stoepe, balkonne en trappe wat nie van ʼn dak voorsien is nie.
- Geen goedkeuring sal verleen word vir die oorskryding van boulyne deur ʼn bewoonbare vertrek nie. Geen oorskrydings sal ook oorweeg word vir dubbelverdieping strukture nie.
- In die geval van enige boulyn oorskryding sal die eienaar verantwoordelik wees vir die behoorlike wegdoening van stormwater.
- Die oorskryding van die straatboulyn sal slegs oorweeg word vir die oprigting van motorafdakke.
- In alle gevalle waar boulyne oorskry word sal die aangrensende geaffekteerde eienaars se skriftelike kommentaar verkry word alvorens die bouplanne aan die HEV en die Munisipaliteit vir oorweging voorgelê word.
Onderverdeling
Parkering
Gemeenskaplike gebiede
Heinings
Dekking
Die maksimum dekking van strukture is 66% van die erfoppervlakte.
Hoogte
Bestaande geboue
Bestaande strukture mag behou word, selfs al word daar nie voldoen aan hierdie riglyne nie. Geen aanbouings mag egter strydig met hierdie riglyne geskied nie. Indien ‘n bestaande gebou afgebreek word, moet enige nuwe gebou op die erf aan hierdie riglyne voldoen.